Partia Demokratike ka sjell në vëmendje kushtet e Bundestagut gjerman për çeljen e negociatave t ë Shqipërisë me BE-në. Në një video të publikuar nga PD listohen kushtet.
“Rruga e Shqipërisë për hapjen e negociatave kalon nga 9 kushtet e Gjermanisë:
- Funksionimi i Gjykatës së Lartë dhe Gjykatës Kushtetuese.
- Miratimi i Reformës Zgjedhore me pjesëmarrjen e të gjitha forcave politike.
- Zbatimi i Reformës Zgjedhore.
- Ndjekja penale e akuzave për shitblerjen e votave.
- Funksionimi i Prokurorisë Speciale për Luftën ndaj Korrupsionit (SPAK).
- Rezultate në luftën ndaj korrupsionit dhe krimit të organizuar, përfshirë edhe ndjekja penale e zyrtarëve të nivelit të lartë.
- Përparime në Reformën e Administratës Publike dhe ndëshkimi i zyrtarëve të lartë që kanë shkelur ligjin.
- Ndjekja penale e gjyqtarëve dhe e prokurorëve që nuk e kanë kaluar provimin e Vettingut.
- Sqarimi përfundimtar i ligjshmërisë së zgjedhjeve lokale të 30 qershorit 2019 dhe përsëritja e tyre në përputhje me reformën zgjedhore, me vendim të Gjykatës Kushtetuese të Shqipërisë”, thuhet n ë video.
Për PD-në, Edi Rama është pengesë për plotësimin e këtyre kushteve!
“Atij i mungon dëshira dhe vullneti për progresin e Shqipërisë, prandaj u refuzua sërish nga BE. Shqipëria nuk mund të jetë më peng i dështimit dhe mashtrimeve të një njeriu. Për një Shqipëri si gjithë Europa”, vijon m ë tej mesazhi i Partisë Demokratike.
