Java e nëntë e Superiores, e cila u hap ditën e djeshme pati surpriza dhe gola të shumtë.
Bylisi arriti një fitore të pastër, teksa mundi në shtëpi 3-1 Tiranën.
Sfida e cila u zhvillua në Ballsh, në stadiumin “ Adush Muca” , nisi me një gol të shpejtë, ku ish-mbrojtësi i bardhebluve , Jurgen Goxhaj, shfrytëzoi një top nga goditja e këndit, duke shënuar me kokë.
Ekipi i drejtuar nga Mema, nuk arriti të merrte veten nga ky gol i shpejtë, dhe në minutën e 25-të, Guindo, shënoi golin e dytë. Duke e mbyllur pjesën e parë me rezultatin 2-0.
Në fraksionin e dytë të ndeshjes, Tirana u përpoq që të kthente situatën duke shënuar me anë të Dunga, në të 65-ën . Por nuk vonoi dhe goli që mbylli ndeshjen nga ana e Celis, duke e çuar rezultatin 3-1 në favor të Bylisit.
Me këtë fitore, Bylisi merr vendin e parë në klasifikim, me 16 pikë, ndërsa në vendin e katërt mbetet Tirana me 14 pikë.
Ndërkohë në ndeshjet hapëse të javës së nëntë të Superligës u luajtën dhe 3 ndeshje të tjera, ku bie në sy humbja e Teutës ndaj Laçit, në fushën e kësaj të fundit me rezultatin e thellë 3-0.
Ndërkohë sot, do të zhvillohet dhe ndeshja përmbyllëse e javës së nëntë, asaj mes Partizanit dhe Skënderbeut, e cila zhvillohet në orën 15:00.
