Gola dhe spektakël na ka dhuruar kjo mbrëmje magjike në Uefa Champions League. Supersfida Inter-Dortmund përfundoi me fitoren e pastër të italianëve me rezultatin 2-0, ku zikaltërit shënuan nga një gol për çdo fraksion loje. Lautaro Martinez në minutën e ’22 dhe Candreba në të ’89 i dhanë fitoren Interin. Ndërkohë që në minutën e ’83 autori i golit të parë Martinez gaboi nga pika e bardhë e 11-metërshit.
Në ndeshjen tjetër të grupit F, Barcelona arriti fitore në transfertë përballë Slavias së Pragës me rezultatin 1-2. Mesi arriti të shënonte vetëm tre minuta pas startit të takimit duke i dhënë avantazhin katalanasve. Në minutën e ’50 Boril do të barazonte për vendasit, por festa do të zgjaste vetëm 7 minuta posi një autogol i Olayinkës në minutën e ’57 i dha fitoren spanjollëve.
Liverpul arriti të fitonte me rezultatin 1-4 në transfertë përballë Genk. Dopieta e Oxlade-Chamberlain, Mane dhe Salah i dhanë fitoren “The Reds”, ndërkohë për vendasit shënoi afër fundit të kohës së rregullt Odey.
Fitore të rëndësishme arritën dhe italianët e tjerë të Napolit, pavarsisht se me vuajtje. Napoletanët arritën të fitonin në Austri përballë Salzburgut me rezultatin 2-3. Dopieta e Mertens dhe goli i Insigne e çuan në vendin e parë në grup me 7 pikë.
Rezultatet e të gjitha ndeshjeve për mbrëmjen e sotme:
