Ajaksi ndër vite, njihet për akademinë shumë të zhvilluar, ku me lojtarët që vijnë nga akademia, ndërton gjithmonë një skuadër të fortë e mbi të gjitha të bukur për t’u parë.
Ndërsa këtë vit, edhe për faktin që Chelsea, ishte dënuar nga “UEFA” për të marrë pjesë në merkaton e transferimeve, ka bërë që disa lojtarë, që aktualisht po shkëlqejnë, siç janë: Tammy Abraham, Mason Mount e Callum Hudson-Odoi, të vijnë nga akademia e Chelsea, duke na vënë në dispozicion një përballje mjaft interesante.
Ajaksi vjen në këtë përballje me forcat e plota , ndërsa për Chelsea, mungon N’golo Kante dhe Ross Barkley.
Të dyja skuadrat bëjnë pjesë në grupin H, e cila kryesohet nga Ajaksi me 6 pikë, e ndjekur nga Chelsea dhe Valencia të barabarta, me nga 3 pikë për secilën skuadër, ndërsa grupin e mbyll, Lille, me asnjë pikë të fituar.
