Në përvjetorin e parë të vrasjes së Kostandino Kaçifas, 16 shoqata greke që pretendojnë se përfaqësojnë minoritetin grek në Shqipëri, kanë bërë thirrje që të gjithë të mblidhen në Bularat të Gjirokastrës,
Kaçifas u vra nga forcat RENEA më 28 tetor 2018, pasi i armatosur hapi zjarr mbi to për më shumë se 30 minuta dhe terrorizoi qytetin e Gjirokastrës për mbi 5 orë. Ai u cilësua si eksremist nga Policia shqiptare.
Shoqatat e minoritetit, të mbështetura nga Babis Karathanos, një politikan i djathtë dhe ish- kandidat i Partisë “Nea Dhimokratia!” i njohur prej vitesh nga komuniteti shqiptar për pikpamjet e tij nacionaliste, po përgatiten të përsërisin një ceremoni përkujtimore që është tentuar të mbahet edhe vitin e kaluar në të 40-at e Kaçifas.
Karathanos ka bërë thirrje që në Bularat të jenë prezentë çdo grek dhe greke në përvjetorin e parë të Kostandinos Kaçifas.
“Do të jemi të pranishëm për të nderuar Heroin tonë! Ftesë shoqatave të Vorioepirit për të marrë pjesë në memorialin vjetor të Kostandin Kaçifas për në Vularat”, thuhet në njoftimin e Karathanos.
Shoqata të vorioepirioteve, ne ftojmë çdo grekë dhe greke të marrë pjesë në përkujtimorin vjetor të Konstantinos Kaçifas, i cili do të mbahet në 26 tetor 2019 në vendlindjen e tij, në Kishën e Shën Athanasit në orën 9:00 të mëngjesit me orën lokale, në Vularats ku prehet dhe ruan Thermopilet, në bashku me heronjtë e vitit 1940.
Deklaruan prezencën në “Konstantinos Kaçifas i pavdekshëm”:
1. Shoqata Vorioepiriotëve 2. Shoqata “Agios Athanasios” 3. Rinia e Vorioepiriotëve 4. Bashkimi i Himariotëve 5. Lëvizja për Rilindjen e Vorio-Epirit 6. Rinia e Komunës së Finikion 7. Federata e Vëllazërisë së Provincës Livadia, Epiri i Veriut 8. Shoqata Rinore e Epirit të Veriut Lefkadhas 9. Shoqata Vorio-Epirike e Thesalisë “O PYROS” 10. Shoqata e Vorioepirit të Zakynthos 11. Shoqata e Vorioepirit Bolos 12. Shoqata Dibrioton e Vorio-Epirit 13. Shoqata e Kostaristëve të Vorio-Epirit 14. Shoqata e Artistëve Vorio-Epir “EKAVI” 15. Vëllazëria Alikioton 16. Shoqata Mbarëkombëtare e Epirit Verior.
