Partia Liberale e Justin Trudeau, ka rimarrë pushtetin në një fitore të ngushtë në zgjedhjet Kanadeze, por ai tanimë do të jetë kryeministër i një qeverie minoriteti.
Partia e tij do të pretendojë shumicën e vendeve në parlament, por mandati i tyre i dytë do të jetë shumë më i vështirë, duke u mbështetur te partitë e tjera për të miratuar ligjet.
Liberalët ishin kokë më kokë me rivalët e tyre të qendrës së djathtë Konservatore.
Liberalët projektohen të fitojnë 157 vende, 13 vende larg të qenit shumicë, dhe do ta kenë të vështirë të miratojnë ligje në mandatin e dytë të zotit Trudeau.
Këto zgjedhje u panë si një referendum për Z. Trudeau, i cili kaloi një mandat jo të qetë.
Ai e humbi pjesën më të madhe të mbështetjes muajt e fundit. Në pranverë u bë publike se ai i kishte bërë presion Ministres së tij të atëhershme të Drejtësisë për të ndaluar hetimet për ryshfet në Libi kundër kompanisë kanadeze SNC-Lavalin.
Duke iu drejtuar vendit dhe qytetarëve që i besuan votën,Trudeau u shpreh: “Faleminderit që keni besim tek ne për të lëvizur vendin tonë në drejtimin e duhur”.
