Zbulohet emri i autorit të dyshuar për vrasjen e Lazër Arrajt, e ndodhur dje në Shosh të Shkodrës.
Burime nga policia lokale kanë bërë të ditur se i arrestuar është kushëriri i viktimës. Marash Arraj është vënë në pranga si i dyshuar për vrasjen e Lazer Arrajt. Autori dhe viktima janë kushërinj me njëri-tjetrin. Lazër Arraj mësohet se është djali i xhaxhait, i Marash Arraj.
“Nga strukturat e D.V.P. Shkodër nën drejtimin e Prokurorisë së Rrethit Gjyqësor Shkodër, falë një pune intensive hetimore dhe në bazë të informacioneve të marra në rrugë operative është bërë dokumentimi ligjor dhe arrestimi në flagrancë i autorit të dyshuar, shtetasit: M.A., 26 vjeç, banues në fshatin Shtoj i Ri, Shkodër. Arrestimi i tij u bë pasi dje më datë 21.10.2019 dyshohet se ka vrarë me armë zjarri shtetasin L.A., në fshatin Palaj, Njësia Administrative Shosh, Shkodër. Kjo ngjarje dyshohet të ketë ndodhur për konflikte të mëparshme mes familjeve. Materialet iu referuan Prokurorisë së Rrethit Gjyqësor Shkodër, për veprat penale ‘Vrasja me paramendim’ dhe ‘Armëmbajtja pa leje'”, njoftoi policia e Shkodrës.
Ngjarja
Nipërit e gjetën të pajetë në rrugë/ Detajet e vrasjes në Shkodër
