Dje “France Football”, publikoi listën e 30 kandidatëve për Topin e Artë, por Luka Modric, fituesi në fuqi i këtij çmimi nuk ishte në këtë listë.
Kjo është hera e parë që diçka e tillë ndodh, që kur kanë nisur të aplikohet sistemi i nominimeve.
Kjo mungesë e Modriç, kujton momentin negativ të kroatit dhe të vetë Real Madridit.
Ky sezon ka nisur me shumë dëmtime për mesfushorin, ku edhe në sfidën e sotme me Galatasaray-n ai nuk do të jetë i pranishëm për arsye dëmtimi.
Kontrata e tij me Realin skadon verën e ardhshme, ku pritet që Modriç të ndërrojë ambient, me skuadrat milaneze, Inter e Milan të interesuara për shërbimet e 34- vjeçarit.
