Në Irlandën Veriore, aborti u dekriminalizua, ndërsa martesat e çifteve me gjini të njëjtë do të legalizohen. Legjislacioni që i bën ndryshimet, hyri në fuqi të martën.
Martesat e para të çifteve me gjini të njëjtë do të mund të bëhen nga shkurti i vitit të ardhshëm. Deri në fund të marsit, qeveria duhet të nxjerrë rregullore për ofrimin e shërbimeve të abortit.
Në maj të vitit të kaluar, qytetarët e Irlandës Veriore kanë votuar në referendum për të shfuqizuar një pjesë të Kushtetutës – e njohur si Amendamenti i Tetë – e cila e ndalonte përfundimin e shtatzënisë. Ky Amendament ishte përfshirë në Kushtetutë pas një referendumi në vitin 1983 dhe e njihte “të drejtën për jetë të të palindurit”.
Aborti në Irlandën Veriore deri më sot është lejuar vetëm kur jeta e një gruaje ka qenë në rrezik, por jo në raste të përdhunimit, incestit ose abnormalitetit fatal të fetusit.
