U luajtën mbrëmjen e sotme, disa prej takimeve të treta në grupet e Champions League, ku ekipet e mëdha morën të gjitha fitore.
Me Gjimshitin titullar, Atalanta u mposht 5-1 në fushën e Mançester Sitit, edhe pse kaluan të parët në avantazh, me penalltinë e Malinovskit. Tripleta e Sterling, si dhe dopieta e Agueros, përmbysën gjithçka për ekipin e Guardiolës, që tani e sheh veten me 9 pikë të plota në vendin e parë.
Juventusi fitoi 2-1 ndaj Lokomotivës së Moskës, por me sa vuajtje. Rusët kaluan në pjesën e parë në avantazh me Malinovskin, por vetëm dopieta e Dibalës në minutat 77 dhe 79, siguroi 3 pikët për bardhezinjtë, që i bashkohen Atletikos në kreun e grupit.
Me përmbysje fitoi edhe Bajerni i Mynihut, në fushën e Olimpiakosit. Grekët shënuan të parët me El Arabin, por që në pjesën e parë Levandovski barazoi shifrat. Në fraksionin e dytë, sërish polaku përmbysi me golin e dytë, ndërsa Toliso shënoi të tretin. Në fund, 2-3 për bavarezët, që numërojnë 9 pikë të plota në grup. Në takimin tjetër, Totenhemi shkatërroi 5-0 Crvena Zvezdën.
Një rezultat të tillë me 5 gola, arriti edhe PSG në transfertë ndaj Klub Bryzh, ndërkohë që fitore minimale 0-1, arriti Reali i Madridit në transfertën ndaj Gallatasarait. Madrilenët iu falën golit të Toni Kros në pjesën e parë, ndërsa shkojnë në 4 pikë në grup, me PSG që numëron 9 të plota. Më poshtëm rezultatet e plota.
REZULTATET
FT | Mançester Siti-Atalanta 5-1
GOLAT: Aguero 34′, pen. 38′, Sterling 58′, 64′, 69′ / Malinovski 28′
FT | Olimpiakos-Bajern Mynih 2-3
GOLAT: El Arabi 23′, Guilerme 79′ / Levandovski 34′, 62′, Toliso 75′
FT | Juventus-Lokomotiva e Moskës 2-1
GOLAT: Dibala 77′, 79′ / Mirançuk 30′
FT | Gallatasarai-Real Madrid 0-1
GOLAT: / Kros 18′
FT | Klub Bryzh-PSG 0-5
GOLAT: / Ikardi 7′, 63′, Mbape 61′, 79′, 83′
FT | Totenhem-Crvena Zvezda 5-0
GOLAT: Kejn 9′, 72′, Son 16′, 44′, Lamela 57′
