Aksidenti i cili i mori jetën vëllait të deputetes Blerina Gjylameti, u shndërrua në lajmin e ditës duke bërë xhiron në rrjetet sociale.
Por, me sa duket kjo dhe detajet nga historia e fatit të trishtë të familjes së deputetes, ka shkaktuar jo pak kënaqësi nga familjarët. Përmes një statusi në Facebook, ka qenë pikërisht kunata e deputetes, Majlinda Gjylameti e cila i ka bërë thirrje mediave të mos merren më me fatkeqësinë dhe t’i lënë ata në dhimbjen e tyre.
Kunata e deputetes e cilëson publikimin e pamjeve të aksidentit dhe komentet rreth tij si gjëra të poshtra që bëhen nga njerëz, të cilët ajo i quan monstra që të vënë kujën.
“Kjo që po ndodh me gazetarinë shqiptare është e turpshme. Së pari do t’ju thoja se publikimi i videove të aksidenteve dhe si rrjedhojë komentet e lloj-lloj monstrash janë për të vënë kujën. Pse i rivrisni familjarët?! Pse duhet të bëni show me fatkeqësitë e të tjerëve?!!! Askush nuk e di se pse mund të ketë ndodhur ky aksident tragjik.
Që ta dini ju dhe kushdo që kërkon të bëjë shoë ose politikë me këtë fatkeqësi, Toni kurrë nuk ecte me shpejtësi dhe kjo mund të ketë ndodhur për arsye shëndetsore. Ndaj ju lutem lërini njerëzit me dhimbjen që kanë dhe heshtni e mos flisni kot,”– shkruan Majlinda Gjylameti në statusin e saj.
Pak orë më parë “Report TV”, publikoi pamjet e aksidentit horror ku humbi jetën Elton Macolli në tunelin Tiranë-Elbasan.
