Ralf Gjoni, një prej deputetëve të asaj që konsiderohet si “opozita e re” është fotografuar nga paparazzi i Panoramës, duke konsumuar një kafe me Erla Mëhillin, e cila prej disa vjetësh luan rolin e zëdhënëses dhe asistentes së ish-Kryeministrit Sali Berisha.
Nuk dihet se çfarë mund të kenë biseduar Gjoni dhe Mëhilli, që duket se kanë një njohje të vjetër dhe miqësi mes tyre. Foto është realizuar pak ditë më parë dhe me shumë gjasa, takimi mes tyre s’ka lidhje me politikën. Gjithsesi, ndoshta Gjoni si deputet, dhe Mëhilli si asistente e ish-Kryeministrit, mund të kenë shkëmbyer ide mbi funksionimin e opozitës.
Gjoni është një nga deputetët që kërkon me insistim ndryshimin e sistemit zgjedhor, po njëherazi mbështet edhe Rudina Hajdarin, e cila bashkëkryeson Komisionin Parlamentar për reformën Zgjedhore.
