Ambasadori i Iranit në Britani të Madhe, Hamid Baeedinejad ka postuar në profilin e tij në Twitter një foto, për të cilën pretendon se është realizuar brenda kampit të muxhahedinëve në Tiranë dhe ngre akuza se ata po përdorin “super kompjutera” siç i quan ai, për të shpërndarë lajme të rreme ndaj Republikës Islamike të Iranit.
“Anëtarët e MKO në kampin Ashraf, në Shqipëri, po përpiqen të përdorin një tip të ri arme kundër Iranit. Armët e tyre përfshijnë super-kompjutera me të cilët ata po përpiqen të shpërndajnë gënjeshtra dhe lajme të rreme për të helmuar opinionin publik”, shkruan Baeedinejad.
Të paktën 3 mijë muxhahedinë strehohen në Shqipëri si rezultat i marrëveshjeve të qeverive shqiptare me SHBA-në. /Panorama/
