Kreu i grupit parlamentar socialist Taulant Balla Balla nuk e sheh qëndrimin e Francës të lidhur me azilkërkuesit shqiptarë. Në studion e Real Story ai tha se shqiptarët në gjithë këto vite destinacion primar kanë Gjermaninë. Për Ballën arsye të tjera qëndrojnë.
“Shqiptarët gjithë këto vite kanë desinacion primar Gjermaninë. Edhe legjislacioni ka të bëjë me rezidencën e përkohshme. Në rastin në fjalë KE nuk mori vendim. Arsyeja pse ka këtë qëndrim lidhet me samitin e korrikut. Shqipëria dhe Maqedonia janë dy çëshjte të vogla. Kemi një element që është vënë në dukje prej vitesh, që nga viti 1960 ende nuk ka ndryshuar sistemi i vendimmarrjes për çështje të këtij karakteri në strukturën vendimmarrëse të BE-së. Mosvendimmarrja nuk lidhet aspak me atë çfarë ka bërë apo çfarë nuk ka bërë Shqipëria. Mos vendimmarrja lidhet me shumë kontekste të brendshme”, tha Balla në Real Story.
