Sekretari i Përgjithshëm i Partisë Demokratike, Gazment Bardhi ka reaguar pas deklaratës së grupit parlamentar gjerman CDU/CSU, i cili i bënte thirrje Shqipërisë të plotësonte 9 kushtet nëse donte integrimin në BE.
Përmes një postimi në Facebook, Bardhi shkruan se mesazhi i CDU/CSU ishte i qartë, pa plotësuar kushtet nuk ka negociata.
Ja postimi i Bardhit:
Mirënjohje për mbështetjen e ndershme dhe mesazhin e qartë që Bundestagu i jep Shqipërisë në procesin e integrimit europian përmes Nënkryetarit të Grupit Parlamentar të CDU/CSU z. Johann Wadephul dhe relatorit për Shqipërinë, z. Christian Schmidt.
Mesazhi është i qartë: Pa plotësuar kushtet e vëna nuk ka asnjë mundësi për Shqipërinë për të hapur negociatat.
Koha e propagandës ka mbaruar!
Shqipëria nuk mund të mbetet peng i qeverisjes së dështuar dhe të refuzuar të Edi Rames!
