Ashtu siç edhe pritej të ndodhte, kryeministri Edi Rama në konferencën e jashtëzakonshme për mediat, ka hequr nga vetja dhe qeveria që ai drejton, dështimin spektakolar të mos hapjes së negociatave për të 4-in vit radhazi.
Rama theksoi se mos hapja e negociatave për Shqipërinë dhe Maqedoninë nuk ka lidhje me vendet përkatëse, pasi është një problem nga brenda BE.
Sipas tij Franca kërkon një transformim të brendshëm të BE dhe për këtë arsye u penalizua Shqipëria dhe Maqedonia e Veriut.
Ndërkohë deklarata e presidentit Macron se nuk ka si tu shpjegojë francezëve se shqiptarët janë të dytët si azilkërkues, Rama tha se këto janë bishta shtesë që nuk kanë asnjë lidhje.
‘Janë bërë përpjekjet maksimale për të arritur të marrim atë që na takon, atë që kemi merituar, dhe këtë se them unë, këtë tanimë e ka thënë jo vetëm me shkrim KE por e keni dëgjuar vetë të thuhet nga një pjesë e madhe e kryeministrave të BE dhe vetë kancelarja e Gjermanisë. Nga ana tjetër dua tu them se kam marrë një numër të konsiderueshëm mesazhesh të drejtpërdrejtë nga një pjesë e kryeministrave të pranishëm në takim, kemi qenë në kontakt gjatë ditës së djeshme, kam komunikuar edhe me presidentin e Francës dhe faktikisht nëse duam të shikojmë drejt në sy të vërtetën është ajo që kam thënë prej disa kohësh duke e parë nga të gjitha kontaktet dhe diskutimet se procesi po shkonte drejt një procesi qasjes me Francës dhe Gjermanisë e një pjesë të konsiderueshme fronit që ishte për një ‘Po’ të qartë. Ndërkohë që Gjermania vendoi të bëjë një lëvizje duke vendosur një ‘por’ pas. Në takimet e fundit me Merkel e Macron kjo çështje është diskutuar, dhe nuk ka patur nga ana e tij asnjë hapje, për ato arsye që ju i dëgjuat vetë, të cilat ai i tha më shkoqur se herët e tjera. Franca nuk vazhdon të vazhdohet me të njëjtin proces. Franca kërkon një transformim të brendshëm të Be dhe një transformim të integrimit, deri në pikën që të arrihet në një tjetër objektiv, që do të thotë një ndërveprim me Ballkanin perëndimor, që nuk mund ët zhvillohet sipas Macron me procesin e deritanishëm të zgjerimit. Liderët e sotëm të BE, që nga presidenti i KE presidenti i komisionit, tek komisioneri përkatës e kanë thënë shumë qartë që kjo që ka ndodhur ëht një rezultat i mosarritjes së konsensusit mes vendeve anëtare për arsyet e tyre, dhe nartyrisht që ëhstë e tepërt kur i shtohen bishta kësaj që është thelbësore, jopo azilantë jo po kjo jo po ajo. Në këtë situatë jo ne dhe Maqedonia e veriut por secili nga vendet e BE nëse do të priste përgjigje për konsensus nuk do e kishte marrë për arsye se tema është duke u diskutuar gjetkë. Kemi marrë një refuzim mbrëmë por nuk kemi marrë asgjë më shumë se kaq. Rruga jonë është e njëjta sepse ato që kem bërë dhe do të bëjmë, do ti bëjmë për vendin tonë. Nëse kemi bërë një reformë në drejtësi, që vazhdon, natyrisht që kemi bërë një reformë që nuk i është kërkuar fare disa prej vendeve që kanë hyrë në BE. E kemi bërë sepse është gjëja e duhur për ne, popullin dhe vendin tonë. Ne do të vazhdojmë po njësoj me plotësimin e parakushteve të vendosura në votën ‘PO’ të Bundestagut për Reformën zgjedhore sipas rekomandimeve të OSBE-ODHIR dhe në prite të plotësimit të Gjykatës Kushtetuese’, deklaroi Rama.
