Ish-eurodeputeti Eduart Kukan ka reaguar lidhur me “Jo” për hapjen e negociatave me Shqipërinë dhe Maqedoninë e Veriut.
Kukan ka drejtuar akuzat në drejtim të Presidentit të Francës, Emmanuel Macron, i cili vuri veton lidhur me hapjen e negociatave, ndërsa u mbështet edhe nga Holanda dhe Danimarka.
“Jam shumë i indinjuar nga pozicioni i Francës. Është një gjest degradues ndaj Rajonit. Macron ka luajtur rolin e një sabotatori të heshtur”, ka reaguar Kukan.
Duket se reagimi i fortë i Kukan ndaj Macron ka lidhje me Maqedoninë e Veriut, pasi për Shqipërinë ish-eurodeputeti kishte paralajmëruar një vendim negativ prej disa muajsh.
“Ata (shqiptarët) duhet të zbatojnë një reformë të madhe në drejtësi, opozita bojkoton Parlamentin dhe mbi të gjitha, shqiptarët nuk mund të gjejnë kompromise”, është shprehur ish-anëtari i Parlamentit Evropian.
Maqedonisë së Veriut mund t’i jepet një datë specifike në samitin Evropian të vjeshtës, çka për mua është realiste”, deklaronte Kukan.
