Një person është arrestuar, një tjetër është shpallur në kërkim dhe 3 vetë janë shpallur në kërkim, pasi akuzohen se kanë marrë peng një 31-vjeçar.
“Më datë 17.10.2019, rreth orës 03:40, Policia e Komisariatit Mat ka marrë informacion se në lagjen ‘Pjetër Budi’, në Burrel, po ndodhte një konflikt mes disa personave. Menjëherë shërbimet e Policisë kanë nisur hetimet për verifikimin e rastit dhe rezultoi se shtetasi S. L., në bashkëpunim me shtetasit L. I., M. B., S.L., dhe I.K, për shkak të një konflikti të hershëm dyshohet se nën kërcënimin e armës ka marrë me forcë në automjet shtetasin A. H., 31 vjeç dhe më pas e ka dërguar në banesën e shtetasit I. K., në fshatin Batër e Madhe, Burrel”, njoftoi policia.
Pas telefonatës, uniformat blu ndërhynë duke vënë në pranga S.L., 32 vjeç, banues në Burrel. U shpallën në kërkim S.L., 31 vjeç, L.I, 34 vjeç, M.B., 24 vjeç, të gjithë banues në Burrel. Si dhe procedohet penalisht në gjendje të lirë shtetasi I. K.
Gjatë kontrollit në vendin e ngjarjes është gjetur dhe sekuestruar nga Policia arma e zjarrit tip kallashnikov model 56, me 15 fishekë dhe automjeti tip “Mercedes Benz”, i përdorur nga këta shtetas.
Materialet hetimore do t’i referohen Prokurorisë Mat për veprat penale “Heqja e paligjshme e lirisë”, e kryer në bashkëpunim dhe “Mbajtja pa leje e armëve dhe municioneve luftarake”, njoftoi policia.
