Cristiano Ronaldo po jep jo vetëm në fushën e lojës, por edhe jashtë saj, pasi Juventusi ka rritur ndjeshëm shitjen e fanellave.
Sezonin e kaluar bardhezinjtë kanë arritur të shesin 1 milionë e 314 mijë bluza, shifër kjo 3 herë më e lartë se në vitin paraardhës , ndërsa rritje të madhe ka pasur edhe në Instagram, ku tanimë është klubi i tretë më i ndjekur në botë, pas Realit të Madridit dhe Barcelonës.
Për sa i përket fanellave të shitura, Manchester United renditet në vend të parë me 4 milionë e 950 mijë bluza të shitura, i ndjekur nga Liverpooli me 3 milionë e 943 mijë, ndërsa më pas lista vijon me Bayernin i Mynihut me 3 milionë e 450 mijë, Real Madrid me 2 milionë e 920 mijë dhe Barcelona me 2 milionë e 755 mijë.
