Lideri i VMRO-DPMNE-së, Hristijan Mickoski gjatë një takimi me qytetarët në Gevgjeli ka folur për negociatat me BE-në, ku ka thënë se një datë të caktuar për nisjen e negociatave nuk mund ta vendosin kurrsesi politikanët që e kanë premtuar këtë gjë.
Mickoski ka theksuar se po mbaron edhe durimi i opozitës, prandaj edhe u bën thirrje qytetarëve të dallojnë grupëet partiake ose etnike.
“Mos prisni që këto të paaftë, këto politikanë kamikazë do të ikin vetë. Na duhet bashkim, na duhet rruga, na duhen sheshet, duhet të kalohet çdo shtëpi e bashkëqytetarëve tanë t’u themi se ne jemi ndryshe. Prej sot fillon përballja e fundit. Prej sot e paralajmëroj fitoren e VMRO-DPMNE-së dhe koalicionit “Për Maqedoni më të mirë”. Prej sot i ftoj të gjithë ata që mendojnë se politikat e Zoran Zaevit dhe LSDM-së janë të gabuara, e ftoj të na bashkohet, pavarësisht a është maqedonas, shqiptar, turk, rom, vlleh, boshnjak, serb dhe pa dallim a është pjesë e VMRO-DPMNE-së dhe koalicionit ose LSDM-së- është shprehur Mickoski.
