Kreu i opozitës Lulzim Basha ka dalë para mediave menjëherë pas deklaratave të Ramës se fajin për mos hapjen e negociatave nuk e ka Shqipëria por BE.
I pyetur nga gazetarët se cili është plani i opozitës tani që Shqipërisë ju refuzuan për të katërtin vit radhazi negociatat, Basha tha se ka një plan të vetëm që janë 9 kushtet e Bundestagut.
Sipas tij kushtet e Gjermanisë janë një udhërrëfyes për të ardhmen e Shqipërisë në BE.
‘Opozita dhe Europa sot flasin me një gjuhë, e sotmja nuk është ajo që shpresonim apo dëshironim,. Por minimumi që mund të merrnim sot ishin 9 kushtet e Bundestagut. Plotësimi i këtyre 9 kushteve është rruga përpara dhe plani për çdo shqiptar që kur zgjedhjet thotë se çfarë duhet të bëjmë që mos na ndodh më kjo. 9 kushtet janë dhe plani i opozitës, 9 kushtet e Bundestagut janë plani i opozitës së bashkuar’, tha Basha.
