Një agjent futbolli i akuzuar për korrupsion u mburr për faktin që sipas tij, i ka dhënë ish- trajnerit të Man.Utd, Sir Alex Ferguson, një orë të tipit “Rolex” me vlerë prej 30 mijë paund, në shkëmbim të fiksimit të një ndeshjeje “Champion-si”.
Giuseppe Pagliara,64 vjeç, gjithashtu i ka thënë një gazetareje, duke u hequr si një biznesmene që Ferguson punonte me agjentë, për të përfituar para nga transferimet e lojtarëve.
Këto pretendime janë dëgjuar gjatë hapjes së procesit gjyqësor në “Southward Crown Court” ndaj Pagliarës i akuzuar për ryshfet, agjentit tjetër Dax Price, si dhe ish-ndihmës trajneri i Barnsley, Scot Tommy Wright.
Prokurori Brian O’Neill, i cili hapi gjyqin të enjten, u shpreh se emrat e personave në fjalë kishin dalë gjatë një hetimi të gjerë të “Telegrafit”, për korrupsionin në futboll, i cili përfshinte edhe goditjen e ish-trajnerit të Anglisë, Sam Allardyce.
Prokurori O’Neill, i pyetur nga “The Mirror” se si doli emri i Fergusonit, sqaroi: “Në përfundimit të takimit me reporterin, Pagliara filloi të fliste për atë që mund të quhet edhe si kritikë ndaj Sir Alex Ferguson, duke e akuzuar atë se kishte bashkëpunuar me Pagliaran për të fiksuar rezultatin e një ndeshjeje futbolli me Juventusin në Champions, një klub me të cilin ishte lidhur Pagliara. Agjenti italian e kishte falënderuar atë me një orë të shkëlqyer Rolex me vlerë 30 000 paundë.
