Barcelona është përfshirë nga përplasjet mes protestuesve dhe forcave të sigurisë.
Situata e tensionuar në Katalunia ka rrezikuar zhvillimin e përballjes mes Barcelonës dhe Real madridit e planifikuar për tu luajtur më 26 tetor 2019.
Në mungesë të konfirmimit zyrtar, “Marca” shkruan se “El Clasico” e parë e këtij sezoni pritet që të zhvendoset dy muaj me vonesë, pikërisht më 18 dhjetor.
Fillimisht ishte menduar që ndeshja e parë të luhet në ‘Santiago Bernabeu’, por një gjë e tillë është mohuar nga Barcelona.
Zjarre, makina të djegura, vitrina dyqanesh të thyera, përplasje fizike mes uniformave blu dhe qytetarëve. Kjo është situata dramatike ditët e fundit në Barcelonë.
