Lojtari i Manchester United, Nemanja Matic kërkohet nga skuadra e Interit gjatë merkatos së janarit.
Mesfushori serb, nuk është aspak në planet e Ole Gunnar Solskjaer, dhe në pesë raste këtë sezon nuk futet të luajë as si zëvendësues.
Ai është gati për të lënë “Old Trafford”, por dëshira e tij është që të përfundojë pjesën e mbetur të kontratës, dhe të largohet në verë.
Sipas mediave Britanike, thuhet që dialogu mes përfaqësuesve të lojtarit dhe Interit, kanë filluar rreth një marrëveshje të mundshme.
Ish-lojtari i Chelsea dhe Benfikas, nënshkroi me “Djajtë e kuq” në vitin 2017 , por pas një starti pozitiv me këtë klub, gjërat shkuan keq për të duke filluar nga humbja e formës e deri te ndryshimi i trajnerit.
