Shtyrja enegociatave të pranimit në BE të Shqipërisë dhe Maqedonisë do të dobësonte stabilitetin në Ballkanin Perëndimor dhe do të kufizonte ashpër ndikimin e BE-së në rajon, paralajmëruan kryeministrat e 4 vendeve të Vishegradit. Drejtuesit e V4 kanë shprehur zhgënjimin e tyre të thellë që disa qeveri vazhdojnë të bllokojnë fillimin e negociatave.
Kryeministrat e Republikës Czecheke, Polonia, Hungaria dhe Sllovakia u kanë dërguar një letër homologëve të tyre të BE përpara samitit të BE që filloi të enjten, ku bisedimet e pranimit pritet të jenë në rendin e ditës. Ministrat e Bashkimit Evropian nuk ishin në gjendje të aprovonin të martën hapjen e bisedimeve të pranimit me Shqipërinë dhe Maqedoninë për shkak të rezistencës së qeverisë franceze, megjithë vlerësimet e Komisionit Evropian të dy vendet kishin zbatuar reformat e kërkuara, njoftoi agjensia e lajmeve V4.
Drejtuesit e V4 shprehen zhgënjimin e tyre që BE nuk ka arritur t’i përmbushë angazhimet e saj të mëparshme dhe “ende nuk është në gjendje t’i garantojë këtyre vendeve një perspektivë të qartë evropiane”. Ata shtuan se vonesa e mëtejshme në marrjen e vendimit pozitiv do të ketë një efekt të pakthyeshëm në “besueshmërinë e BE-së në rajon dhe, më e rëndësishmja, pasoja serioze dhe të qëndrueshme për stabilitetin dhe sigurinë tonë.”
Ne kemi nevojë për të përmbushur angazhimet tona, është koha për të marrë një vendim gjeopolitik, thuhet në letrën e përbashkët të drejtuesve të V4.
Një burim anonim i nivelit të lartë të BE-së i përfshirë në përgatitjet për samitin tha të enjten se Presidenti i Këshillit Evropian Donald Tusk gjithashtu mendon se do të ishte një gabim serioz nëse vendet anëtare nuk mund të binin dakord për hapjen e bisedimeve të pranimit me Maqedoninë e Veriut dhe Shqipërinë.
