Lëvizja Vetëvendosje arriti të fitojë në zgjedhjet e parakohshme parlamentare të 6 tetorit në Kosovë dhe së shpejti pritet të fotmojë qeverinë me LDK-së, e cila mbeti pas saj me një diferencë shumë të ngushtë votash.
Por pas kësaj fitoreje, partisë së kryesuar nga Albin Kurti i është bashkuar dhe bokseri i njohur shqiptar që jeton në Suedi, Naim Terbunja.
Lajmin e ka bërë të ditur Kurti përmes një shkrimi në rrjetet sociale, ku shpreh vlerësimin e tij për boksierin.
“Naim Terbunja anëtarësohet në Lëvizje. Naimi është boksier profesionist me një karrierë të bujshme prej 236 meçeve gjithsej dhe me vetëm dy humbje. Ai ka lindur në vitin 1984, në Prishtinë, por për shkak të rrethanave politike të asaj kohe është detyruar të largohet në moshë të hershme për në Suedi. Atje, Naimi ndoqi pasionin e tij për sportet, e veçanërisht për boksin, duke renditur sukseset.
Në vitin 2009 ai ka fituar Golden Gloves në Neë York, për ta përfaqësuar më pas këtë shtet në garën nacionale në ShBA. Si profesionist, ai ka fituar tre herë turneun ndërkombëtar të boksit “Adem Jashari” që organizohet në Kosovë, dhe me të njëjtin sukses i ka përmbyllur disa turne të tjerë jashtë vendit.
Në Suedi, ai është shpallur tetë herë kampion boksi dhe ka përfaqësuar këtë shtet në Lojërat Olimpike të mbajtura në Peking gjatë vitit 2008.
Me talentin dhe përkushtimin e tij, Naimi ka ngadhënjyer. Tani, me dëshirën t’iu ndihmojë edhe të rinjve që kanë talentin e pasionin në sportin individual, ai iu bashkua VETËVENDOSJE!-s. Jam i lumtur për këtë gjë. Naimin e takova përmes aktivistit tonë të përkushtuar”, tha Kurti.
Albin Kurti erdhi në skenën politike në Kosovë, fillimisht si një OJQ duke sfiduar pushtetin nga jashtë e më vonë edhe si parti parlamentare.
