Policia ka arrestuar një person Lulzim Kusin, i cili është xhaxhai i dy vëllezërve të shpallur në kërkim për vrasjen e Indrit Çelajt.
Kusi akuzohet për veprën penale të armëmbajtjes pa leje, pasi gjatë një kontrolli në banesë i është gjetur një armë zjarri pa leje.
Griseldo dhe Albano Kusi, janë ende në arrati dhe akuzohen për vrasjen e 26-vjeçarit Idrit Çelaj.
Ata janë të përfshirë në ngjarje kriminale si vrasje, tentativë vrasje, plagosje. Ne 2010 Albano Kusi u ndalua nga policia për vrasjen e Shkëlqim Nozllit, për shkak të një borxhi të papaguar dhe pazare për blerjen e dy pistoletave ku ishin përfshirë dhe dy punonjës policie. Ndërsa Griseldo Kusi në 2011 u ndalua nga policia pasi tentoi të vriste shtetasin Maksud Hysi në Mnik të Tiranës. Një vit më pas në 2012 tentoi të vriste një 26 vjeçar. Ky i fundit u qëllua me 4 plumba, njëri prej të cilëve e kapi në shpatull.
