Një ngjarje tragjike ka ndodhur sot në shtetin fqinj të Italisë. Një shtetas shqiptar 56-vjeçar është goditur për vdekje nga një makinë teksa po kalonte në këmbë rrugën.
Sipas mediave italiane viktima është identifikuar si Asqeri Bani, i cili ka humbur jetën në vend.
Ngjarja ka ndodhur mëngjesin e sotëm në qytetin e Barit dhe ka sjellë bllokim të rrugës.
Sipas rindërtimit të incidentit, një makinë arriti ta shmangte pa e goditur shqiptarin në rrugë, por makina që vinte pas saj e goditi.
Sipas mediave italiane, disa ditë më parë, i njëjti person u shpëtua teksa endej në rrugën Bari-Bitritto.
