Ish-drejtuesi i Prokurorisë së Krimeve të Rënda Besim Hajdarmataj u konfirmua në detyrë nga Komisioni i Pavarur të Kualikifimit. Trupa për rivlerësimin e tij që përbëhej nga Suela Zhegu, Brunilda Bekteshi dhe Roland Ilia, e njoftoi verdiktin këtë të mërkurë.
Seanca dëgjimore
Në seancën dëgjimore, në lidhje me pasurinë ILKPI deklaroi se prokurori Hajadarmataj kishte kryer deklarim të saktë, nuk kishte fshehje pasurie dhe justifikonte pasurinë e tij. Gjitashtu edhe KPK nuk gjeti probleme me pasurinë.
DSIK hartoi gjithashtu një raport pozitiv për Hajdarmataj duke e konsideruar të përshtatshëm për të vazhduar detyrën.
Në lidhje me profesionalitetin Prokuroria e Përgjithshme e vlerësoi me “shumë mirë” prokurorin Hajdarmataj.
Gjatë hetimit KPK mori mbi 10 denoncime për prokurorin Hajdarmataj, ndër të cilat 3 ishin publikuar në media. Por, sipas KPK këto denoncime ishin të pabaza.
