Matthijs De Ligt pranon që nuk ndihet më i “pathyeshëm” si te Ajaksi, duke parë vështirësitë me të cilat ka nisur sezonin tek Juventusi.
Qendër mbrojtësi shkëlqeu për Ajaksin sezonin e kaluar, duke fituar kampionatin Holandez çka iu mungonte që në vitin 2014, dhe arritën deri në gjysmë-finale në Champions League, duke u shpallur në këtë turne si mbrojtësi më i mirë.
“Tek Ajaksi, ndihesha i pamposhtur. Sot është ndryshe. Por mendoj që është normale sepse çdo gjë është e re për mua. Jam duke bërë progres dhe nuk jam i shqetësuar.” – tha ai për “Fox Sports”
“As vetë nuk e di pse nuk po luaj ashtu siç dëshiroj, dhe di si mund të luaj. Gjithçka që mund të bëj është të vazhdoj të punoj, të jap më të mirën dhe të përpiqem të mësoj nga shokët e skuadrës.”
“Luaj dhe kjo është kryesorja, sepse në fund, jam i sigurt që çdo gjë do shkojë mirë dhe sezoni do mbyllet në mënyrë pozitive.” – shtoi më tej mbrojtësi 20 vjeçar.
