Edmond Petraj, avokati i Marsida Qatjas, thotë se vrasja ka ndodhur në Kavajë nuk ka lidhje me trafikun e lëndës narkotike.
Në emisionin Opinion, ai tha se 41-vjeçari Dritan Haxholli ka qenë problematik dhe rasti i ngacmimit sipas tij ndaj Marsidës, nuk ishte i vetmi.
“Ai person lëvizte prej kohësh me armë, kishte frikë ta arrestonte policia. Ka qenë kaq problematik. Po të shikoni dhe skedën e tij, ka qenë një person plot me probleme. Nuk është vetëm rasti i kësaj, i ngeci në derë. Ka raste të tjera që ka ngacmuar femra”, tha avokati.
“Marsidës i kam thënë që stop deklarimeve. Një çështje nën hetim nuk ke çfarë flet dhe në atë traumë psikike që ishte ajo nuk duhet të fliste. Ajo e ka treguar ngjarjen siç, ka qenë”, tha më tej avokati.
Po ashtu ai ka treguar edhe detaje, pse burri i Marsida Qatjas është dënuar nw Gjermani. Sipas tij, Indrit Hysenit në makinë iu gjet një sasi lënde narkotike.
“Është dënuar mes Dyseldorfit dhe Duisburgut. Ai jetonte në Holandë. Ishte në Holandë. Nga Holanda i merr rastësisht një personi makinë dhe niset drejt Dyseldorfit. Atë ditë ka ndodhur operacion rutinë në gjithë Gjermaninë.
U ndaluan 1800 persona dhe është ndaluar dhe ky person, në momentin që është ndaluar nuk ka pasur asnjë lloj. Kur i del që kishte të kaluar dhe ishte i dënuar në Shqipëri, i hyn me themel dhe makinës. Ka pasur një rast tjetër në Shqipëri, rast krimi por nuk ka lidhje me drogën. 16 orë bëhet kyqrja fizike e mjetit. Policia gjeti substancë, mbi 6 kg substancë. Prokuroria e ka skanuar.
Personi nuk është i lidhur me këtë ngjarje fare. Ky nuk ka lidhje me këtë. Është dënuar për një vepër penale që ka penguar zbulimin e të vërtetës. Por ai nuk kishte lidhje dhe me këtë. Kishte pak muaj që kishte shkuar në Holandë”, tha avokati.
Ai shtoi se nga hetimet mund të dalë që vrasja ka qenë aksidentale. “Në banesë ka qenë Bledari dhe Xhulio”, tha avokati, duke mohuar prezencën e tre meshkujve në shtëpinë e Marsida Qatjas.
