Edi Reja në konferencën e djeshme për shtyp, tha që nuk është tipi i trajnerit që bën ndryshime.
Por gjithsesi siç raporton Panorama Sport, në bazë të stërvitjeve të skuadrës pritet që në ndryshim nga formacioni me Turqinë të ketë katër ndërhyrje në skuadër.
Duke filluar nga porta, besohet që Berisha të zëvendësojë Strakoshën, zgjedhje kjo që nuk dihet a ka të bëjë me gabimin që bëri portieri në ndeshjen me Turqinë.
Ndërsa në repartin mbrojtës, risia më e madhe mund të jetë aktivizimi i Marash Kumbullës duke zënë vendin e Dermakut.
Ndryshime ka edhe mesfusha, pasi Memushaj i konsumuar në ndeshjen me Turqinë pritet t’ia lërë vendin Abrashit.
Ndërkohë ndryshim tjetër i rëndësishëm është dhe nisja si titullar i Roshit që luan në vend të një mbrojtësi si Veseli, çka tregon synimet e trajnerit Reja për të luajtur me një formacion më sulmues për të fituar ndeshjen.
