Një burrë rreth të 60-tave i ka dhënë fund jetës në periferi të Tiranës, duke u hedhur nga kati i 8-të i banesës, konfirmuan burime zyrtare nga policia.
“Rreth orës 16:00 në Fushë Mëzez Kashar, dyshohet se në kushte të rënduara psikologjike, është vetëhedhur nga kati i 8-të i banesës një shtetas ende i paidentifikuar rreth 60 vjeç, i cili për pasojë ka ndërruar jetë. Grupi hetimor po vijon punën për sqarimin e rrethanave të ngjarjes dhe identifikimin e trupit të pajetë”, njoftoi policia.
Instituti i Statistikave ka raportuar për një numër në rritje të vetëvrasjeve në vend. Vitin e shkuar, 213 persona në Shqipëri, sipas Institutit të Statistikave, i kanë dhënë fund jetës. 14 më shumë se në 2017. Vetëvrasjet, sipas sociologëve, reflektojnë krizën që po kalon shoqëria.
