Kreu i Forumit Rinor të Partisë Demokratike, Belind Këlliçi ndodhet në Gjermani ku ka takuar kryetaren e CDU-së, njëkohësisht Ministren e Mbrojtjes së Gjermanisë, Annegret Kramp-Karrenbauer.
CDU do të vazhdojë të mbështesë PD dhe Shqipërinë në sfidat që ka përpara, shprehet Këlliçi, ndonëse ajo më bëri të ditur se java në vijim do të jetë e vështirë përsa i përket hapjes së negociatave.
“Kënaqësi të takoja sot Kryetaren e CDU dhe Ministren e Mbrojtjes së Gjermanisë, Annegret Kramp-Karrenbauer. CDU do të vazhdojë të mbështesë PD dhe Shqipërinë në sfidat që ka përpara. Ndonëse ajo më bëri të ditur se java në vijim do të jetë e vështirë përsa i përket hapjes së negociatave, zj. Kramp-Karrenbauer gjithashtu më konfirmoi se Gjermania do të mbështesë Shqipërinë, ndërkohë që Shqipëria duhet të përmbushë detyrimet e saj për demokraci funksionale, lufte kundër krimit e korrupsionit si dhe respektimin e shtetit të së drejtës”, shkruan Belind Këlliçi në një postim në rrjetet sociale.
Vetë kryeministri Edi Rama, është shprehur pesimist për hapjen e negociatave.
