Tri ditë para ndeshjes ndaj Malit të Zi, ka plasur një sherr në kombëtaren e futbollit të Kosovës. Dy futbollistët e kombëtares, Edon Zhegrova dhe Benjamin Kololli, janë konfliktuar në stërvitjen e së premtes mbrëma.
Përplasjen e mëtejme mes tyre e parandaluan ndihmës trajneri Muharrem Sahiti dhe menaxheri Bajram Shala, të cilët, sipas pamjeve të publikuara nga “Insporti”, ndërhynë për ta qetësuar situatën.
Pas qetësimit të gjendjes, raportohet se stërvitja ka vazhduar normalisht.
Zhegrova dhe Kololli janë dy futbollistë të rëndësishëm për trajnerin Bernard Challandes, pasi të dy janë të formacionit bazë të kombëtares.
