Seanca gjyqësore në një gjykatë të shkallës së parë në Itali ndaj katër shqiptarëve të akuzuar se kryen marrëdhënie intime me një bashkatdhetarë pasi e kërcënuan, është mbyllur me lirimin e tyre. Ndërkohë, prokuroria kishte kërkuar 6 vite e gjysmë burgim për secilin, raportuan mediat lokale.
Ngjarja
Në periudhën kur kanë ndodhur ngjarjet, të katërt sapo kishin kaluar të 18-at. Ishte tetor i gjashtë viteve më parë dhe po ktheheshin më makinë në Novara nga një festë jashtë qytetit. Në mjet ndodheshin katër djemtë dhe vajza, një shoqe e tyre.
“Ose bëj seks me ne”, ose do të lamë këtu”. Kjo është fraza që, sipas denoncimit të vajzës, i thanë djemtë duke e kërcënuar se nëse nuk kryente marrëdhënie me ata, do e zbrisnin nga makina duke e braktisur të vetme në një rrugë fshati. Ajo, siç dëshmoi, e frikësuar nga ideja për të mbetur e vetme dhe pa mundësinë e kthimit në shtëpi, iu dorëzuar ofertës dhe kreu marrëdhënie me të gjithë. Për këtë çështje, vajza nuk foli me askënd për disa muaj.
Më vonë, ia tregoi historinë një shoqeje, e më pas të fejuarit, i cili foli lidhur me çështjen me prindërit e vajzës. U bë denoncim në polici dhe kështu nisën hetimet. Proceset gjyqësore u zhvilluan me dyer të mbyllura, ndërsa djemtë mohuan gjithnjë akuzat, duke u shprehur se nuk u përdor dhunë, por ishte konsensusi i vajës në atë çka ndodhi.
Avokatët e të akuzuarve u shkrehen se vajza ishte jo e besueshme në deklarata e saj dhe në rindërtimin e saj të ngjarjes kishte mospërputhje. Kështu, kërkuan pafajësi për klientët e tyre.
Kërkesa u pranua nga Gjykata e Novaras, që liroi djemtë, duke i shpallur të pafajshëm.
/Boldnews.al/
