Rreth orës 110:00 të ditës së sotme kanë mbërritur në Gjykaten e Faktit në Vlorë tre personat e arrestuar për konfliktin në plazhin e vjetër ku mbeti i vdekur 56-vjeçari Stavri Mino ku ndaj autorëve të dyshur është marrë masa e arrestit me burg.
Astrit dhe Agron Hamitaj si dhe Nusret Hodaj do të qëndrojnë në burg deri në mbledhjen e provave nga organi i akuzës që të provojnë nëse janë ose të jo të përfshirë në ngjarje.
Burime bëjnë me dije se autori kryesor i dyshuar për ngjrjan e rëndë është Agron Hamitaj ndaj të cilit është dhënë masa “burg pa afat”, ndërkohë pritet një seancë e dytë që të vendoset nëse dy personat Astrit Hameti dhe Nustret Hodaj janë të implikuar në këtë vepër penale.
Të arrestuarit e dyshuar si autorë dhe bashkëpunëtorë në ngjarje, kan mbërritur nën masa të rrepta sigurie teksa janë futur në Gjykatën e Vlorës ku i kanë pritur edhe familjarët.
Komunikimi i mases së sigurisë është bërë me dyer të mbyllura ndërkohë që mësohet se gjyqtar për këtë çështje është caktuar Laurent Fuçia.
Avokat mbrojtës është Tomor Cano, i njëjti avokat mbrojtës për të tre autorët e dyshuar. Ndërkohë njëri prej tyre, Astrit Hameti ka shfaqur në sallën e gjyqit një gjendje të rënduar shëndetësore. Për këtë arsye ai ka kërkuar që të bëjë komunikimin i ulur pasi nuk ngrihej dot në këmbë.
