Qeveria Rama i ka dhuruar Karlo Bolinos, pronar i Report TV dhe shqiptarja.com, një sipërfaqe prej 4 mijë m2, me një qira 1 euro, për 20 vjet.
“Dhënien e miratimit për lidhjen e kontratës së qirasë me tarifën 1 euro/kontrata, ndërmjet Ministrisë së Financave dhe Ekonomisë, si qiradhënës, dhe shoqërisë ‘MTSC’ sh.p.k., si qiramarrës, për pasurinë shtetërore “Ish-ndërmarrje metalike ‘Tirana’’ (Reparti i orëve), prona nr. 19, me numër pasurie 7/649, me sipërfaqe të përgjithshme 4021.50 m², nga të cilat sipërfaqe ndërtimore 1624.44 m2, dhe sipërfaqe funksionale 2397.06 m2, zona kadastrale 8220, në përgjegjësi administrimi të Ndërmarrjes Industriale nr. 1, Tiranë, për një periudhë 20 (njëzet) vjet, sipas genplanit dhe tekstit të projektkontratës”, thuhet në vendimin e zbardhur të Edi Ramës.
Pas vendimit të qeverisë Rama, ka pasur shumë reagime lidhur me dhuratën më të fundit në drejtim të italianit, që njihet për suportin mediatik ndaj Ramës dhe Rilindjes.
Së fundmi në rrjet po qarkullon një foto e Bolinos, me dixhiturën “ERTV2”.
Kryeministri Edi Rama prej kohësh ka në dispozicion platformën ERTV, prej së cilës shpërndan pothuajse ccdo sinjal që ka lidhje me aktivitetet e tij, qoftë si kryetar i PS-së apo si kryetar qeverie.
