Një përdhunues shqiptar është arrestuar nga policia greke, në Kakavijë. Mediet greke raportojnë se ka rënë në pranga 49-vjeçari i rrezikshëm, i cili ishte dënuar për përdhunim të fëmijëve, por që ishte ende i lirë.
Ai është kapur në tentativë për të ardhur në Shqipëri. 49-vjeçari është përpjekur të largohet nga Greqia, por nga kontrolli i të dhënave të tij oficerët e policisë greke kanë zbuluar se ai ishte i arratisur.
Ndërkohë, edhe më herët Gjykata Penale e Thebës e ka dënuar 39-vjeçarin me dy vite burg për armëmbajtje pa leje. Menjëherë pas arrestimit, Prokuroria e Janinës ka urdhëruar dërgimin e shqiptarit në burgun e Stavarki për të vuajtur dënimet që rëndojnë mbi të.
