“Vetëm 10 për qind e këngëtarëve shqiptarë i njohin notat muzikore”. Kështu është shprehur këngëtari i njohur, Erik Lloshi, teksa ishte i ftuar në emisionin “Ditë e re”.
Gjatë intervistës, Eriku nuk nguroi aspak që të shprehte mendimin e tij për ligjin e tregut muzikor.
“Kam studiuar për kanto, kam studiuar për piano 12 vite, e njoh shumë mirë muzikën. Kam titullin këngëtar në diplomë. Duhet të ketë censurim, duhet të ketë rregulla. Po futet kushdo në treg. Po çohemi në mëngjes dhe po shikojmë çudira. Hap Instagramin, më çudisin të gjithë. Nga 3 milionë shqiptarë që janë pak a shumë, mbi 2.9 milion janë këngëtarë”, ka thënë Lloshi.
Sipas këngëtarit, bazat e të kënduarit në muzikë të lehtë janë këndimi i notave muzikore.
“Nëse arrin të këndosh notat, arrin të këndosh çdo gjë. Një 10% e tyre, se nuk ia kanë idenë fare. Asnjëri prej tyre nuk e kupton që çdo gjë nis ato nota muzikore. 12 nota muzikore ka jo 7 sepse i bie edhe piano dhe e njoh shumë mirë. Shumica e dinë 7 por nuk janë aq”, tha Eriku kur u pyet se sa artistë shqiptarë e bëjnë këndimin e notave muzikore.
Habit këngëtari i njohur :Gjysma e shqiptarëve janë këngëtarë por nuk njohin notat muzikore
Lajme të lidhura
TË GJITHA
