Një 38-vjeçar është gjendur i pajetë brenda automjetit të tij në kryeqytet, pasditen e sotme. Burime zyrtare nga policia e Tiranës thanë se burri dyshohet se ka humbur jetën si pasojë e një ataku kardiak.
“Rreth orës 16:00 në rrugën ‘Mustafa Matohiti’ (pranë Kodrës së Diellit) u gjet pa shenja jete, në automjetin e ndezur tip ‘BMW’, shtetasi R. B.,38 vjeç. Nga këqyrja paraprake nuk u konstatuan shenja dhune, apo dëmtime të tjera. Paraprakisht dyshohet, të ketë humbur jetën si pasojë e arrestit kardiak”, njoftoi policia.
Grupi hetimor ndodhet në vendngjarje ku po vijon punën për sqarimin e rrethanave të ngjarjes, shtuan të njëjtat burime.
