Europarlamentarja portugeze Isabel Santos është propozuar si Raportuese e PE-së për Shqipërinë. Ajo është anëtare e grupimit socialist dhe demokrat në Parlamentin Europian.
Santos ka qenë deputete portugeze dhe në zgjedhjet e fundit për Parlamentin Europian ajo fitoi vendin e euro-parlamentares. Santos pritet të zëvendësojë në këtë funksion Knut Fleckenstein, i cili nuk arriti të merrte një tjetër mandat euro-deputeti.
Ndërkohë si raportues për Kosovën është propozuar Viola von Carmon-Taubadel. Ajo gjithashtu drejtoi misionin e vëzhguesve të BE-së në zgjedhjet parlamentare të 6 tetorit që u zhvilluan në Kosovë.
