Kapja e medias nga qeveria, është kriminale. Kështu deklaroi mbrëmjen e sotme gazetari Blendi Fevziu në studion e Syri TV.
“Tentativa për të kontrolluar median përmes dhunës, taksës dhe shtetit është e dështuar, e marrë dhe tejet demode. Ne duhet të shohim edhe një lloj mekati që vjen nga relativizmi i fjalës.
Sot mund të pengosh diçka, por nuk mund ta ndalosh. Ti nuk ke çfarë i bën. Është një botë e madhe. Beteja e medias me të vërtetën është një betejë që do të marrë shumë kosto.
Ka media që shantazhojnë biznesin. Ideja për të përdorur taksa, polici është absurde. Kapja e mediave nga qeveria është kriminale”, u shpreh Fevziu.
