Gazetari Blendi Fevziu ishte i pranishëm mbrëmjen e sotme në TV Syri.net përballë gazetarit Çim Peka.
I pyetur se ku ngjajnë dhe ku ndryshojnë Ibrahim Rugova dhe Hashim Thaçi, Fevziu i sheh të dy si politikanë të ndryshëm, që kanë vepruar në rrethana të ndryshme.
“Janë dy politikanë të ndryshëm, në rrethana të ndryshme. Rugova u blasfemua kur Kosova kishte në pikëpyetje ekzistencën e saj. Liderët e dikurshëm bëheshin më të fuqishëm nga kërcënimi i Bashkimit Sovjetik. Rugova ishte lideri i një populli që kërkonte të hiqte barrën 100-vjeçare të Serbisë.
Rugova nuk administroi kurrë, Thaçi po. Nuk mund ti krahasojmë. Nuk e dimë si do të sillej Rugova nëse do të ishte kryeministër. Janë dy rrethana të ndryshme. Unë mendoj gjithashtu se, Hashim Thaçi është një kafshë politikë”, tha Fevziu.
A ka mbaruar misioni i Thaçit?
“Nuk e di. Politika është me cikle. A mund të rigjallërohet? Kjo duhet parë pasi ai të largohet nga posti i presidentit. Përdorimi i presidencës për karrierë politike ka rezultuar në dështim. Do, nuk do, shkon drejt pensionit politik”, deklaroi Fevziu
