Zgjedhjet në Kosovë, rezultati, mënyra si si u zhvilluan për Presidentin e Vendit Ilir Meta janë një tregues i qartë i demokracisë dhe i besimit në votën e lirë. Përmes një statusi në rrjetin social Facebook, kreu i shtetit uron qytetarët dhe klasën politike që sipas tij i treguan mbarë botës se jo vetëm janë tërësisht funksional, por edhe një shembull i demokracisë në rritje.
Postimi i plotë
Zgjedhjet e djeshme në Kosovë, një shembull i shkëlqyer i funksionimit të demokracisë dhe i besimit te demokracia dhe vota e lirë.
Urime qytetarëve të Kosovës dhe klasës politike, që i treguan mbare botës se shteti i Kosovës është jo vetëm tërësisht funksional, por edhe një shembull i demokracisë në rritje, në një rajon që ende vuan nga autoritarizmi dhe pamundësimi i zgjedhjeve tërësisht të lira, si ato që e gjithë bota ndoqi dje në Kosovë! 
