Një i ri austriak ka qëlluar për vdekje ish-të dashurën e tij, partnerin e saj të ri dhe familjarët e 19-vjeçares.
Vrasësi kishte pasur zënka me ish-të dashurën për arsye xhelozie. Pasi kishte darkuar në një restorant ai kishte shkuar në shtëpinë e saj, por askush nuk e ftoi brenda.
25-vjeçari më pas u kthye në shtëpinë e tij dhe mori armën e vëllait, të mbajtur në kasafortë, derisa në 5:30 të mëngjëesit u kthye sërish në shtëpinë e saj.
I pari që vdiq ishte babai i ish-të dashurës, e ndjekur nga nëna dhe vëllai i tij. Pasi e gjeti të mbyllur derën e dhomës së ish të dashurës, ai u ngjit në ballkon, theu dritaren dhe qëlloi atë dhe shoqëruesin e saj të ri.
Komandanti i policisë së rrethit, Martin Reisenzein, raportoi se “në njëzet vjet shërbim nuk e mban mend një gjë të tillë”. 25 oficerë policie, policia kriminale, ambulancat dhe e gjithë njësia e krizës arritën në vendin e masakrës.