Të ndodhur në ceremoninë e diplomimit të magjistratëve të rinj në Shkollën e Magjistraturës, ambasadori i BE-së, Luigi Soreca, e dërguara me punë e ambasadës së SHBA-së, Lejlja Ones Mosses dhe ambasadori i OSBE-së, Bernd Borchard, dhanë një mesazh për të gjitha prokurorët dhe gjyqtarët e rinj që do të bëhen pjesë e sistemit të drejtësisë. Ata thanë se sfidat janë të mëdha dhe se të gjithë duhet të jenë të përgatitur pqr t’u përballur me to dhe për të mos u bërë pjesë e korrupsionit.
Luigi Soreca: Ajo që ne duam në të ardhmen është të kemi një sistem të besueshëm të drejtësië. Do të japim mbështetjen tonë gjatë studimeve. Kjo shkollë do të ofrojë të gjitha provimet e duhura. Jemi këtu për t’u mbështetur. Ka shumë instrumente të nivelit Evropian që ju mund t’i përdorni ato. Gjykatësit janë si doktorët të cilët mund t’iu shpëtojnë jetën. Gjykata është në shërbim të sistemit të drejtësisë. Ju duhet të jeni krenar, por nuk duhet të harroni përgjegjësinë që ju pret në të nesërmen. Patjetër që edhe familjarët tuaj janë krenar për ju. Mos e harroni asnjëherë kuptimin e magjistraturës. Është një përgjegjësi e madhe që keni mbi shpatulla.
E dërguara me punë e Ambasadës Amerikane, Lejla Ones Moses e pranishme gjatë ceremonisë së diplomimit të Magjistratëve të rinj, u tha se: “Ju mund të jeni shpresa e drejtësisë dhe duhet t’i mbani sytë hapur ndaj pabarazinë dhe korrupsionin. Ju mund të jepni shpresa për këtë vend dhe përpjekjet tuaja të përbashkëta mund ta transformojnë sistemin e Drejtësisë në Shqipër”i.
Bernd Borchard, ambasadori i OSBE-së në Tiranë deklaroi nga ana e tij se vlerëson misionin e Shkollës së Magjistraturës si një institucion tepër të rëndësishëm. Ju, tha Borchard jeni zgjedhur për të çuar para systemin e drejtësisë, për të cilin jemi të ndërgjegjshëm se po kalon përmes ndryshimeve të mëdha.
“Janë duke u bërë përpjekje dhe ju jeni prokurorët dhe gjykatësit e rinj të vendit. Patjetër duhen luftuar difeketet aktuale të sistemit të drejtësisë”, tha ai. Më tej shtoi se inkuranjon brezin e ri të gjykatësve dhe se pritjet janë të mëdha, po kështu edhe përgjegjësitë.
Më tej ambasadori i OSBE-së tdeklaroi se vendimet që do të merren nga magjistratët e rinj është e rëndësishme që të shkojnë në kuadër të respektimit të ligjit. “Kemi qenë partner të kësaj shkolle dhe kemi dhënë mbështetjen tonë për projektet trajnuese. Shpreh vlerësimin tim për pedagogët e kësaj shkolle. Së shpejti do të krijohen edhe strukturat e reja të sistemit të drejtësisë”, tha Borchard.
