Një aksident i rëndë rrugor ka ndodhur mbrëmjen e kësaj të hëne në aksin Korçë-Pogradec.
Dy mjetet janë përplasur me njëra-tjetrën dhe për pasojë kanë mbetur të plagosur dy persona, ku mësohet se një prej tyre është në gjendje të rëndë për jetën.
Ngjarja ka ndodhur në afërsi të fshatit Vloçisht.
Policia ndodhet në vendngjarje dhe po punon për zbardhjen e shkaqeve të aksidentit.
Njoftimi:
Korçë – Informacion paraprak.
Më datë 07.10.2019, rreth orës 19:40, në aksin rrugor Korçë-Maliq, në afërsi të një karburanti, ka ndodhur një aksident, ku janë përplasur mjeti tip “Renault” me drejtues shtetasin L.Ç, me mjetin tip “Mazda” me drejtues shtetasin O.G.
Për pasojë janë dëmtuar, drejtuesi i mjetit tip “Renault” shtetasi L.Ç, si edhe pasagjeri i këtij mjeti shtetasi D.A, të cilët u dërguan në Spital, ku ndodhen nën kujdesin e mjekëve.
Grupi Hetimor po punon për sqarimin e rrethanave të ngjarjes dhe përcaktimin e shkakut të aksidentit.
