Opozita në Kosovë duket se do të dalë triumfuese në zgjedhjet e 6 tetorit. LDK dhe Vetëvendosje janë fitues sipas sondazheve t fundit. Në një deklaratë të fundit, përfaqësuesit e Vetëvendosjes deklaruan se do të mbrojnë deri në fund votën e hedhur. Po kështu ata shprehen se një votë e rëndësishme ka qenë edhe ajo e emigrantëve.
Procesi ka ecur shumë mirë. Ka qenë i qetë. Ka pasur disa incidente që janë denoncuar dhe do të trajtohen nga organet e drejtësisë. Por ato nuk cenojnë procesin.
Ndërkohë në zyrat e Vetëvendosjes ka nisur festa. Me thirrjet “Albin Kurti”, ata u gëzohen rezultatit që aktualisht nuk është zyrtar.
Mbështetësit e Kurtit bëjnë thirrje për të dalë në shesh të gjithë qytetarët dhe të festojnë.
