Gazetari dhe aktivisti i shoqërisë civile, Aulon Kalaja, e ka cilësuar një panoramë të shëmtuar shfaqjet që dhuruan pas tërmetit të 21 shtatorit ministrat, kryeministri dhe zyrtarë të tjerë të Rilindjes.
Kalaja ironizon duke thënë se pleqtë kanë frikë të dalin nga shtëpia, sepse i kap qeveria dhe pozon me to, siç ndodhi pas tërmetit!
“Dikush e puthte plakën, dikush përqafonte plakun, dikush me dorën në qafë, dikush tek krevati, a thua se ishte Mesia.
Kjo panoramë e shëmtuar e gjoja përkujdesjes pas tërmetit na e shpifi, pasi nuk bëhej fjalë për punë konkrete, por për dicka që rilindistët kanë afro 7 vjet që e bëjnë më së miri propoganda”, tha Kalaja.
Në vijim të ironisë, ai thotë se ndoshta një urdhër i brendshëm i “qeverisë Rama”, ndoshta ndonjë qarkore partie, ose ego e sëmurë për reklame, i detyroi pothuajse të gjithë funksionarët e lartë të qeverisë dhe PS të beni minimumi nga një foto me një njeri të moshës së tretë, pas rënies së tërmetit me 21 shtator.
“Nëse do të bëjë një kërkim të thjeshtë në rrjetet sociale të Ramës, Veliajt, Ballës, Ballukut, Klosit, Braces, Cucit, Gjermenit, Gjonajt apo çdo kryetari komiteti rilindist, do të shikojë se urdhri ishte për të kapur ndonjë plak dhe për të publikuar një foto”, shprehet ai.
